D. Mesiras giudizialas

I. Proprietari nunchattabel

¹ Sch’il proprietari inscrit en il register funsil na po betg vegnir identifitgà, sche ses lieu da domicil n’è betg enconuschent u sch’il num u il lieu da domicil d’in u da plirs da ses ertavels n’è betg enconuschent, po il derschader ordinar sin dumonda las mesiras necessarias.

² En spezial po il derschader nominar in represchentant. Sin dumonda fixescha el la dimensiun da la pussanza da represchentanza. Sch’el na fixescha betg insatge auter, sa restrenscha questa pussanza a mesiras da mantegniment.

³ La dumonda d’ordinar mesiras po far:

1.

mintga persuna che ha in interess degn da vegnir protegì;

2.

l’uffizi dal register funsil al lieu dal bain immobigliar.

⁴ L’ordinaziun da mesiras n’interrumpa betg il termin per in acquist tras giudida extraordinari.