Art. 159 A. Cuminanza conjugala; dretgs ed obligaziuns dals consorts

A. Cuminanza conjugala; dretgs ed obligaziuns dals consorts

¹ La celebraziun da la maridaglia fundescha la cuminanza conjugala.

² Ils consorts s’obligheschan da cooperar en armonia al bainstar da la cuminanza e d’avair quità cuminaivlamain dals uffants.

³ Els duain esser fidaivels ed assister in a l’auter.

A. Eheliche Gemeinschaft; Rechte und Pflichten der Ehegatten

¹ Durch die Trauung werden die Ehegatten zur ehelichen Gemeinschaft verbunden.

² Sie verpflichten sich gegenseitig, das Wohl der Gemeinschaft in einträchtigem Zusammenwirken zu wahren und für die Kinder gemeinsam zu sorgen.

³ Sie schulden einander Treue und Beistand.