¹ Nun che l’artitgel 26 saja applitgabel, vegn chastià cun ina multa da fin a 20 000 francs tgi che intenziunadamain:³⁷

a.

na resguarda betg las prescripziuns davart la tegnida d’animals;

b.

tira u producescha animals cuntrari a las prescripziuns;

c.

producescha, tira, tegna, fa commerzi u utilisescha animals modifitgads geneticamain cuntrari a las prescripziuns;

d.

transporta animals cuntrari a las prescripziuns;

e.

fa intervenziuns vi da l’animal u experiments cun animals cuntrari a las prescripziuns;

f.

mazza animals cuntrari a las prescripziuns;

g.

fa autras praticas vi d’animals, ch’èn scumandadas per lescha u per ordinaziun;

h.³⁸

fa professiunalmain commerzi cun animals cuntrari a las prescripziuns;

i.³⁹

utilisescha animals vivs per intents da reclama cuntrari a las prescripziuns.

² L’emprova, la cumplicitad e l’instigaziun èn chastiablas. Sche la delinquenta u il delinquent agescha per negligientscha, vegn ella u el chastià cun ina multa.⁴⁰

³ Cun ina multa vegn chastià tgi che cuntrafa intenziunadamain u per negligientscha ad ina prescripziun executiva, da la quala la violaziun è vegnida declerada sco chastiabla, u ad ina decisiun ch’è drizzada ad el e che cuntegna la smanatscha da chasti tenor quest artitgel.⁴¹