La permissiun generala vegn concedida, sche:

a.

il chantun garantescha ch’el fetschia las emprovas tenor las prescripziuns dal dretg federal; en spezial sto el prender tut las mesiras efficazias ed adequatas per che:

1.

mo persunas cun dretg da votar possian sa participar a la votaziun (controlla dal dretg da votar),

2.

mintga persuna cun dretg da votar haja mo in’unica vusch e possia votar mo in’unica giada (exclusivitad da la vusch),

3.

terzas persunas na possian betg tschiffar, midar u deviar sistematicamain ed efficaziamain las vuschs dadas giu electronicamain (garanzia da la manifestaziun fidaivla da la voluntad dal votant),

4.

terzas persunas na possian survegnir naginas enconuschientschas dal cuntegn da las vuschs consegnadas electronicamain (secret da votaziun),

5.

mintga abus sistematic possia vegnir exclus (votaziun confurma a las normas);

b.⁵³

la Chanzlia federala ha constatà che las premissas per conceder in’admissiun tenor l’artitgel 27e alinea 1^bis èn ademplidas.