¹ La procedura simplifitgada vala per dispitas dal dretg patrimonial fin ad ina valur en dispita da 30 000 francs.

² Ella vala senza resguardar la valur en dispita en cas da dispitas:⁸³

a.

tenor la Lescha d’egualitad dals 24 da mars 1995⁸⁴;

b.⁸⁵

pervia da violenza, smanatschas u persecuziuns tenor l’artitgel 28b CCS⁸⁶ u concernent la surveglianza electronica tenor l’artitgel 28c CCS;

c.

che resultan tras la locaziun e tras la fittanza da locals d’abitar e da fatschenta sco er tras la fittanza agricula, uschenavant ch’i èn pertutgads il deposit da tschains da locaziun e da fittanza, la protecziun cunter tschains da locaziun e da fittanza abusivs, la protecziun cunter la disditga u la prolungaziun da la relaziun da locaziun u da fittanza;

d.

per far valair il dretg d’infurmaziun tenor la Lescha federala dals 19 da zercladur 1992⁸⁷ davart la protecziun da datas;

e.

tenor la Lescha da participaziun dals 17 da december 1993⁸⁸;

f.

che resultan tras assicuranzas supplementaras a l’assicuranza da malsaunas sociala tenor la Lescha federala dals 18 da mars 1994⁸⁹ davart l’assicuranza da malsauns.

³ Ella na vegn betg applitgada per dispitas davant l’unica instanza chantunala tenor ils artitgels 5 ed 8 e davant la dretgira commerziala tenor l’artitgel 6.