¹ Il manischunz sto adina avair sut controlla il vehichel uschia, ch’el po ademplir sias obligaziun da precauziun.

² Tgi che n’ha betg las capacitads corporalas e spiertalas necessarias da manischar in vehichel, perquai ch’el è sut influenza d’alcohol, da narcotics u da medicaments u pervia d’auters motivs, vala durant quest temp sco inabel da manischar e na dastga betg manischar in vehichel.⁹⁸

^2bis Il Cussegl federal po scumandar a las suandantas gruppas da persunas da manischar sut l’influenza d’alcohol:

a.

a las persunas che fan transports da persunas transcunfinals u concessiunads sin via (art. 8 al. 2 da la LF dals 20 da mars 2009⁹⁹ davart il transport da persunas ed art. 3 al. 1 da la LF dals 20 da mars 2009¹⁰⁰ davart l’admissiun d’interpresas al transport sin via);

b.

a las persunas che fan transports professiunals da persunas u transports da rauba cun vehichels a motor grevs u che transportan rauba privlusa;

c.

als magisters d’autoscola;

d.

als titulars d’in permiss per emprender a manischar;

e.

a las persunas che accumpognan viadis d’emprender a manischar;

f.

als titulars d’in permiss da manischar a prova.¹⁰¹

^2ter Il Cussegl federal fixescha la concentraziun d’alcohol en il flad ed en il sang, a partir da la quala il manischar vegn considerà sco manischar sut l’influenza d’alcohol.¹⁰²

³ Il manischunz sto procurar ch’el na vegnia impedì ni tras la chargia ni en autra moda. Ils passagiers n’al dastgan betg impedir u disturbar.